Демант на ЛДП: Мерните станици се набавени од владата на СДСМ и ЛДП, од 2003-2006 година

Либерално-демократската партија воопшто не е изненадена од обидите на ВМРО-ДПМНЕ да ја замајува јавноста со лаги и невистини за тоа како не се виновни што загадувањето на воздухот достигнува драматични размери, а тие не прави ништо тоа да се спречи.

Вистината е на наша страна затоа што фактите говорат дека сите мерни станици, (со исклучок на една), кои работат во Р. Македонија, се набавени од владата на СДСМ и ЛДП, во периодот 2003-2006 година, кога на чело на Министерството за животна средина беа токму Љубомир Јанев и Зоран Шапуриќ од ЛДП. Благодарејќи на овие мерни станици, граѓаните денеска имаат податоци за тоа каков воздух дишат.

Тоа што ВМРО-ДПМНЕ се фали дека распишала тендер за набавка на резервни делови за мерните станици, потсетуваме само дека тоа е тековна работа.

Фактите говорат дека од 2004-та до 2006-та година во Македонија се донесени сите основни закони за заштита на животната средина:

-Законот за животна средина.

-Законот за квалитет на амбинеталниот воздух.

-Законот за заштита на природата.

-Законот за управување со отпадот, како и сите сите други законски и подзаконски акти, со кои се воспоставени еколошките стандарди и стандардите за квалитетот на воздухот.

Категорично ги демантираме и наводите за “малите“ поплави, кои беа едни од најголемите поплави во поновата историја на државата, но она што е клучно е што водите беа под надлежност на Министерството за земјоделие, кое во тој период беше раководено од коалициониот партнер на ВМРО-ДПМНЕ, партијата ДУИ.

Сподели....Share on Facebook
Facebook
Tweet about this on Twitter
Twitter
Email this to someone
email

Би можело да ве интересира

Министерот Шапуриќ, гостин на МТВ

Гостување на Министерот Шапуриќ на МТВ на кое се дискутираше на тема финасиска поддршка за ...