Иле Митковски, назначен за в.д. директор на Агенцијата за претприемништво на Република Македонија

Иле Митковски од Куманово е назначен за в.д. директор на Агенцијата за претприемништво на Република Македонија.

Новиот директор вчера е именуван од управниот одбор на Агенцијата и доаѓа на местото на Боби Мојсоски, кој на последната владина седница е назначен за в.д. директор на Казнено-поправната установа Идризово.

Иле Митковски доаѓа од ЈП „Водовод“. Предходно бил и секретар на општинска организација на Црвен крст Куманово.

Агенција за поддршка на претприемништвото на РМ претставува централна државна институција за поддршка на претприемништвото и развојот на малото стопанство во Република Македонија.

Надлежности на Агенцијата за подршка на претприемништвото се  изградба на поволно економско опкружување и законска регулатива, создавање и развој на институционална инфраструктура за поддршка и развој на претприемништвото и конкурентноста во малото стопанство,   спроведување и координација на државната и меѓународната поддршка за микро, малите и средни бизниси, промоција на претприемништвото преку нефинансиски и финансиски форми на поддршка и спроведување на Програмата за мерки и активности за поддршка на претприемништвото и создавање на конкурентност во малото стопанство на Република Македонија.

Сподели....Share on Facebook
Facebook
Tweet about this on Twitter
Twitter
Email this to someone
email

Би можело да ве интересира

Министерот Шапуриќ, гостин на МТВ

Гостување на Министерот Шапуриќ на МТВ на кое се дискутираше на тема финасиска поддршка за ...