Средба ЛДП – ALDE CoR

На маргините на состанокот на Заедничкиот Консултативен Комитет (Joint Consultative Committee – JCC), кој Комитетот на Регионите (Committee of the Regions – CoR) го одржа денес во хотелот Александар Палас во Скопје, беше остварена средба на делегација од Либерално-демократската партија со претставници од делегацијата на Комитетот на Регионите од редовите на Европските Либерал-демократи (ALDE CoR).

Комитетот на Регионите (Committee of the Regions – CoR) е основан во 1994 година и претставува собрание на регионални и локални претставници од земјите членки на ЕУ.

На средбата присуствуваа Зоран Шапуриќ (Потпретседал на ЛДП и член на Советот на Град Скопје) и Владимир Кироски (Секретар за меѓународна соработка на ЛДП и член на Советот на Општина Карпош), додека пак од страната на Заедничкиот Консултативен Комитет присуствуваа Јасна Габриќ (Градоначалник на Општина Трбовље, Република Словенија) и Раит Пихелгас (Градоначалник на Општина Амбла, Естонија), кој воедно е назначен и за известувач на Комитетот на Регионите за Република Македонија.

Учесниците на средбата разговараа за повеќе актуелни теми поврзани со напредокот и проблемите со кои се соочуваат Локалните Самоуправи во РМ во делот на имплементацијата на потребните реформи, а во рамките на процесот на легислативно усогласување со соодветните Директиви на ЕУ. Фокусот беше ставен на потребата од сериозен пристап и забрзано темпо во процесот на децентрализација, со особен акцент во делот на фискалната децентрализација, а се со цел час поскоро да се овозможи поголема финансиска (фискална) независност, со што општините воедно ќе се здобијат и со позначително ослободување од политичките влијанија и зависноста од централната власт.

Сподели....Share on FacebookTweet about this on TwitterEmail this to someone

Би можело да ве интересира

Годишно изборно Собрание на ЛДП Пехчево

На 21 Мај 2017 година се одржа годишно Собрание на Општинската организација на ЛДП Пехчево. ...