ЛДП: Доста беа дебати, итна легализацијата на канабис во медицински цели

LDP-660x330Либерално-демократската партија смета дека легализацијата на канабисот во медицински цели мора да биде наша реалност и тоа во најскоро време. Се’ поголем дел на луѓе заболени од најразличен вид на болести го користат маслото од канабис како лек. Не смееме од луѓе со сериозни здраствени проблеми да правиме криминалци.

Се додека канабисот е нелегален, лековите што произлегуваат од него нема де бидат стандардизирани, а судбината на одредени болни ја оставаме во рацете на најразлични дилери.

Доста беа дебати и тркалезни маси на тема дали канабисот лечи или не. Наместо да се дебатира треба да се увиди фактичката состојба. Во светски рамки има научници и доктори кои веќе педесет години истражуваат на оваа тема и имаат емпириски докази за лековитите дејствија на канабисот. Не случајно легализацијата на канабис е веќе реалност во најразвиените држави во светот.

Ја повикуваме владата во заминување да прекине со наводната конструктивност и организирање дебати на оваа тема. Единствената дебата, треба да се води во сообранието на тема каков закон ќе донесеме со што ќе овозможиме легална употреба на канабисот во медицински цели.

Сподели....Share on FacebookTweet about this on TwitterEmail this to someone

Би можело да ве интересира

ЛДП: Граѓаните на Гевгелија, предвесници на демократските и еколошки реформи во државата

Граѓаните на општината Гевгелија денеска покажаа висока демократска и еколошка свест и со тоа станаа ...