ЛиДеМ Битола – Целе Јолевски: Бараме да се најде виновникот за катастрофалната состојба на УКЛО

Почитувани,

Вмро-Дпмне ја уништи Битола на културен, економски и спортски план, а со последното рангирање на универзитетите во Македонија, се покажа дека власта предводена од Вмро-Дпмне го уништува и битолскиот универзитет, а со тоа продолжува да ја уништува и Битола.

Ние младите од ЛДП бараме од ректорската управа на битолскиот универзитет да започне институционална борба, со цел да докажи дека последното рангирање е направено тенденциозно од страна на власта на Вмро-Дпмне, а на штета на битолскиот универзитет.

За нас е неприфатливо Битолскиот универзитет да биди зад Штипскиот, зад Тетовскиот, зад Охридскиот, па и зад некои приватни универзитети.

Либерално-демократската младина  го повикува ректорот на битолскиот универзитет да не се крие зад јалови соопштенија туку јавно да  излези и  да проговори за односот на власта на Вмро-Дпмне кон битолскиот универзитет.

Да каже кој е виновник за ваквата состојба, кој го осакати универзитетот со политиката на ,,Универзитет во секое село“, која политика го намали бројот на студенти за една третина и зошто битолскиот универзитет е на седмо место во Македонија.

Ги повикуваме подмладоците од сите политички партии, ги повикуваме сите професори и интелектуалци, сите декани и студенти  да застанат јавно во  одбрана на битолскиот универзитет, затоа што Битола не смее повеќе да губи на никој план, а особено не смее да продолжи да пропаѓа на интелектуален а со оваа политика тоа  и  се случува а и ќе продолжи да се случува.

 

Сподели....Share on FacebookTweet about this on TwitterEmail this to someone

Би можело да ве интересира

Министерот Зоран Шапуриќ учествуваше на Балкански инженерски форум во Софија

Министерот без ресор задолжен за регулатива за подобрување инвестициска клима за домашни претпријатија, д-р Зоран ...