ОО ЛДП Гевгелија: Што се случува со Р-103, делница Прдејци – Смоквица

(Интегрален текст од прес конференцијата на претседателот на ОО ЛДП Гевгелија, Тихомир Ручкоманов)

            Тихомир Ручкоманов 1Општинската организација на Либерално-Демократската партија Гевгелија, после укажувањата на наши сограѓани, денес, од лице место, односно од регионалниот пат Р-103, Ве известуваме дека поднесовме предлог до градоначалникот на општина Гевгелија, Иван Франгов и претседателот на Советот на општина Гевгелија, г-дин Драги Хаџи Николов, итно да се разгледа состојбата со регионалниот пат Р-103, делница Прдејци – Смоквица .

            Имено пред повеќе од 30 дена, тука несоодветно се асфалтирани околу стотина метри од регионалниот пат Р-103, најверојатно од Јавното претпријатие за државни патишта на Република Македонија и градежните активности од тогаш до денес се во прекин.

            Во јавноста се шпекулира дека изградбата на Р-103 е обврска на изведувачот на автопатската делница Смоквица – Демир Капија, а не на Јавното претпријатие за државни патишта на Република Македонија. Сакаме да напоменеме дека ниту на службената страна на Агенцијата за државни патишта, ниту пак во Стратегијата за развој и одржување на државните патишта, не е споменат регионалниот пат Р-103. Исто така потсетуваме, дека во октомври, 2003-та година, имаме поднесено до општина Гевгелија барање за поведување постапка за поместување на 10 КВ далековод, изграден за потребите на пумпната станица на нафтоводот Солун – Скопје, кој беше изграден како дел од најголемата дивоградба во Република Македонија, а истиот и тогаш и денес е физичка пречка за соодветна градба и уредување на регионалниот пат Р-103.

            Затоа бараме од Градоначалникот на општина Гевгелија, Иван Франгов, но и од Директорот на Јавното претпријатие за државни патишта на Република Македонија, Александар Стојанов, веднаш да ги известат граѓаните на општина Гевгелија што се случува со регионалниот пат Р-103, главната и единствена сообраќајна артерија во општината, но и единствената алтернатива на автопатот, односно која компанија ги изведува градежните работи, каква е динамиката на изградба, за колку средства и од кои фондови се обезбедени истите?!

            Искрено се надеваме дека и членовите на Советот на општина Гевгелија од редовите на владеачката коалиција ќе се заинтересираат за овој голем сообраќаен проблем и дека и тие ќе побараат транспарентост и отчетност, како од локалната самоуправа, така и од Јавното претпријатие за државни патишта на Република Македонија.

Сподели....Share on FacebookTweet about this on TwitterEmail this to someone

Би можело да ве интересира

Изјава на Ханс ван Баален, претседател на АЛДЕ (Алијанса на Либерали и демократи во Европа), по синоќешните случувања во Собранието на РМ

“Силно го осудувам вчерашниот насилен упад во Македонскиот Парламент, веднаш по изборот на нов претседател ...