ЛДП Гевгелија – Предлог до Градоначалникот на Гевгелија за формирање на Јавно Комунално Претпријатие

RuckomanovПрес-конференција на ОО на ЛДП Гевгелија. Интегралниот текст од прес-конференцијата можете да го прочитате подолу:

Почитувани сограѓани,
О.О. на ЛДП Гевгелија денес до Господинот Градоначалник Франгов и Господинот Претседател на Советот на општина Гевгелија Господинот Хаџи Николов, поднесе предлог за формирање на ново Јавно Комунално Претпријатие со дејности од општинско инфраструктурно уредување и градежно дооформување на локалните површини. Испровоцирани од задоцнетото крпење на улиците во градот со лопати, гребло, рачна количка и рачен ваљак, но и повикани од Вашите реакции во изминатиот период за раскопани улици, несредени тротоари, немање на велосипедски патеки, неформирање на мали плоштади и скверови, како и лоша урбана опрема, предлагаме решение кое функционира во средини како нашата.
Реинженерингот на постоечкото локално јавно претпријатие со формирање на една нова современа интеграција на потребите и можностите, со ефикасна употреба на квалификациите, искуствата, флексибилноста и иновативноста, ќе доведат до квалитетна и брза услуга спрема граѓаните и пошириката заедница. Добрата распределба на обврските на јавните претпријатија, нивниот капацитет, квалитет и нивото на услуга спрема секојдневните потреби на граѓаните и пошироката заедница, ќе го подобрат квалитетот на живеење во општината.
Сметаме дека е време за посебно внимание спрема јавните површини кои се дел од локалните сообраќајници, кои пак учествуваат во формирањето на малите плоштади, скверовите и поголемите раскрсници. Чувствуваме потреба да ги „рашириме“ улиците со тротоари и велосипедски патеки, да овозможиме поголем процент на сообраќај на пешаци и велосипеди на сметка на патничките автомобили. Наша традиција се пешачењето и возењето велосипед. Регулацијата на свлечиштата и пороите, регулацијата одржување но и користење на речните корита да бидат дел обврските на новото Јавно Комунално Претпријатие. „Хард“ инфраструктурата на градот со години функционира под притисок и бара почести и поголеми интервенции, но и нејзино сериозно одржување и проширување. Идеите за нови креативни паркови со постоечките обележја на градот и општината чекаат на нивна реализација.
Почитуван Градоначалник, урбаната хоризонтала е дворот на општината, првиот впечаток за домаќинот на секој гост. Затоа бараме сериозно да го разгледате нашиот предлог и барем да дозволите сите политички субјекти, граѓаните и пошироката заедница да се запознаат и изјаснат по истиот. Се надеваме на разбирање од Ваша страна.

Видео од прес-конференцијата:

Сподели....Share on FacebookTweet about this on TwitterEmail this to someone

Би можело да ве интересира

Груевски и Петровска на средба со занаетчиите во Битола

Денес, кандидатот за градоначалник на Битола, Наташа Петровска заедно со носителот на советничката листа Валентин ...