Министрите Шапуриќ, Мерко и Апостолоска во ТИРЗ Скопје

Министрите во Владата на Република Македонија Зоран Шапуриќ, Рамиз Мерко и Зорица Апостолоска денеска ја посетија Технолошко индустриската развојна зона каде што имаа средба со директорот Виктор Мизо и неговиот тим.

За време на посетата на Технолошко индустриската развојна зона министрите Шапуриќ, Мерко и Апостолоска ги посетија фабриките Ванхол и Витило, каде беа запознаени со комплетниот производствен процес, капацитетите и пласманот на финалните производи.

На состанокот министрите разговараа за функционирањето и производството во зоната, притоа посебен акцент се стави на обемот на извозот и увозот остварен од индустриските објекти во рамки на зоната. Се разговараше и за бројот на вработените, висината на плата на вработените, како и степенот на ангажирање на домашните добавувачи во финалните производи на компаниите во зоната.

Исто така, се осврнаа и на квалификационата структура на вработените на стопанските субјекти во зоната и проблематиката со обезбедување на квалификуван кадар и планирање на идни активности во зоната, соопшти кабинетот на министерот Зоран Шапуриќ.

Сподели....Share on FacebookTweet about this on TwitterEmail this to someone

Би можело да ве интересира

Наташа Глигороска, кандидат за советник од ЛДП во Советот на Струга

За кандидат за советник во Советот на Општина Струга од страна на ЛДП е номинирана ...