Средба Шапуриќ – Митровиќ

Денес, министерот во владата на РМ и потпретседател на ЛДП, проф. д-р Зоран Шапуриќ, оствари средба со амбасадорот на Црна Гора, Н.Е. Предраг Митровиќ.

На состанокот, министерот го запозна амбасадорот околу неговите и активностите на премиерот Зоран Заев и Владата на Република Македонија во целост, со цел подобрување на севкупната бизнис клима во државата.

На средбата беше констатирано дека и покрај одличната политичка и културна соработка помеѓу Македонија и Црна Гора, нивното на економската соработка не е на потребното ниво и треба да се издигне. Затоа, определба на Владите на двете држави е да се унапреди меѓусебната трговска размена.

Амбасадорот ја пренесе определбата на владата на Црна Гора за севкупно унапредување на односите на Црна Гора-Македонија во сите области.

Воедно, амбасадорот Митровиќ го поздрави реформскиот курс на Владата на Република Македонија за забрзување на процесите за интегрирање во Европската Унија и НАТО.

Сподели....Share on FacebookTweet about this on TwitterEmail this to someone

Би можело да ве интересира

Младите Либерал-демократи успешно го завршија вториот модул од Регионалната Либерална Политичка Академија

Со посетата во Брисел завршена е втората по ред Регионална либерална политичка академија (RLPA) на ...