ЛДП: Груевски да го врати мандатот

И по една недела од доделувањето на мандатот, Никола Груевски не успева да формира влада. Напротив, тој  и натаму си игра со трпението на граѓаните, кои јасно на 11 декември гласаа за промени и смена на режимот.

Намерите на Груевски се јасни. Спречување на формирање на нова влада на чело со опозицијата, држење на државата во заложништво и промоција на бесперспективна иднина. Но, Груевски мора да знае дека процесот на чистење на политичката сцена , како и демонтирањето на „груевизмот“ е неминовен и незапирлив.

Сите оние политичари кои се осомничени од СЈО за криминал, не можат и не смеат да формираат влада.

Затоа, го повикуваме Груевски веднаш да го врати мандатот, бидејќи на државата и е потребна  влада која ќе започне темелни реформи базирани врз препораките од извештајот на Прибе. Во Македонија мора да се врати  владеењето на правото и почитувањето на институциите на системот. Меѓу приоритетите на новата влада ќе бидат и реформите за независно судство, како и продолжување на работата на СЈО. И конечно, започнување на судски процеси против сите функционери на власта  и корумпираните елити, инволвирани во криминал, корупција и изборни измами.

Македонија веќе не смее да биде земја на омрази, делби и сиромаштија, туку стабилна држава која ќе цели на патот на европеизацијата и на НАТО.

Сподели....Share on FacebookTweet about this on TwitterEmail this to someone

Би можело да ве интересира

Наташа Глигороска, кандидат за советник од ЛДП во Советот на Струга

За кандидат за советник во Советот на Општина Струга од страна на ЛДП е номинирана ...