ЛДП: Кожув да се прогласи за заштитено подрачје

На трибината одржана завчера во Гевгелија, “Аргументи  за претсојниот референдум –  против рудниците на планината Кожув“, потпретеседателот на Либерално-демократската партија, Зоран Шапуриќ, помеѓу другото, истакна дека принципите на одржлив развој подразбираат економски развој, кој е целосно усогласен со висок степен на заштита на животната средина и грижа за здравјето на луѓето.

Геолошките истражувања за експлоатација кај месноста Kоњско и Коњска река, на површина од околу 4.000 хектари се вршени во нетранспарентна постапка, без учество на јавноста што е спротивно на Архурската конвенција, која е потпишана и ратифицирана од Република Македонија и спротивна на законодавството на нашата држава. Евентуалната експлоатација на руда на овие локалитети би довела до уништување на големото шумско богатство, до деградација на животната средина и до загрозување на здравјето на граѓаните. Шапуриќ нагласи дека е потребно да се размислува во обратна насока, односно да се отпочне со активности за прогласување на заштитено подрачје на планината Кожув која изобилува со богата флора и фауна, односно со шуми, води,  дивеч и нуди огромни потенцијали за рекреативен и еколошки туризам.

На трибината покрај Зоран Шапуриќ, учествуваа и Пеце Мирчевски од СДСМ и Лијана Поповска од ДОМ.

Сподели....Share on FacebookTweet about this on TwitterEmail this to someone

Би можело да ве интересира

Годишно изборно Собрание на ЛДП Пехчево

На 21 Мај 2017 година се одржа годишно Собрание на Општинската организација на ЛДП Пехчево. ...