Потребни се долгорочни решенија за подобри резултати во подигнувањето на јавната свест за заштита на животната средина.

Преку едукативната програма „Караван на супер еко херои” ги запознавме учениците со придобивките од контејнерите за електронска и за електрична опрема, поставени со наша соработка и желба во реализацијата на концептот „Zero waste” (Нула отпад) во Зелениково.

Електричниот и електронскиот отпад и отпадните батерии дејствуваат како токсичен отпад, но нивното несоодветно третирање, уништување и депонирање доведува до испуштање тешки метали во воздухот, водата и во почвата, кои сериозно влијаат на здравјето на граѓаните и воопшто на квалитетот на животната средина.

Овој отпад содржи екстремно токсични, често канцерогени супстанции, кои доведуваат до оштетување, пред сè, на мозокот, срцето, бубрезите, белите дробови, а влијаат и на зголемување на крвниот притисок и проблеми во репродуктивниот систем кај луѓето.

Затоа е важно соодветно да се отстрануваат и елиминираат, тоа не е само наша обврска, тоа треба да е колективен влог и напор на сите нас, граѓаните, родителите но и учениците.

.