Close

Либерално Демократска Партија

Author: Dejancho Cvetanovski

Собир на либералите од западен Балкан во Подгорица

Во периодот од 27-29 фебруари 2020 година, се одржа седница на Управниот одбор на Либсен, мрежата на либерални партии од земјите на југоисточна Европа (LIBSEEN – Liberal South East European Network).

На седницата на одборот, покрај другото, се разгледаа и усвоија измени на статутот на Либсен, апликациите за членство од страна на 2 нови либерални партии од Р. Србија, а исто така се усвои и резолуција за политичката состојба во Мостар (БиХ) која ќе биде поднесена до Советот на АЛДЕ кој ќе се одржи во мај годинава во Софија (Бугарија).

Во рамките на настанот беше организирана и тркалезна маса со наслов: “Towards a liberal approach to the EU enlargement policy“ на која свое учество зедоа Претседателот на АЛДЕ, г-динот Ханс Бан Баален, Потпретседателот на АЛДЕ, г-динот Илхан Ќочук (истовремено Европратеник и известувач на ЕП за Македонија), Потпретседателот на Либералната интернационала, г-динот Емил Кирјас, Претседателот на Либсен, г-динот Роман Јакиќ како и шефот на преговарачкиот тим на Црна Гора со ЕУ, г-дин Александар Дрљевиќ.

На тркалезната маса се дискутираше за процесот на преговори со ЕУ кои во моментов ги води Црна Гора, но и за можностите и евентуалните препреки кои произлегуваат од новата методологија за преговори која неодамна беше презентирана од страна на Унијата.

Делегација на Либсен беше примена и од страна на Претседателот на Црна Гора, г-динот Мило Ѓукановиќ.

На настанот присуствуваше членот на Извршниот одбор на ЛДП, Дејанчо Цветановски, кој истовремено е член и на Управниот одбор на Либсен.

Зајкова: Очекувам едногласна поддршка за законот за субвенциониран студентски оброк

Зајкова: Очекувам едногласна поддршка за законот за субвенциониран студентски оброк

Почитувани ,

Либерално-демократската младина во 2018-та година до Владата достави разработена иницијатива, која предвидува можност за субвенционирање на здрав оброк на секој студент.

Утре нашата иницијатива во форма на Предлог – Закон ќе биде поднесена до Собранието на Република Северна Македонија, при што очекуваме истиот да биде ставен на дневен ред, а потоа и да добие поддршка од сите пратеници.
Согласно предлог –законот, студентите за значително пониска цена ќе можат да се хранат во рестораните кои што ќе потпишат договор со Министерството за образование и наука за субвенционирање на студентскиот оброк.
Субвенционирани ќе бидат само здравите оброци, а од пакетот ќе бидат исклучени газираните пијалаци и брзата храна.
Право на субвенциониран оброк ќе имаат редовните студенти на додипломски студии на државните и на приватните универзитети, државјани на Република Северна Македонија, кои се регистрирани во системот.
Регистрирањето би се вршело после периодот на запишување на секоја студиска година, преку пријавување на телефонскиот број што го користи студентот и негово внесување во системот.
Субвенционираниот износ во сума од 120 денари дневно, ќе биде на товар на државата и ќе се исплаќа на давателите на услуги кои што услужиле студент, на почеток на тековниот месец за претходниот месец, по изготвена фактура од нивна страна доставена до Министерството за образование и наука.
Оваа можност студентите ќе имаат право да ја користат од понеделник од петок од осум часот наутро до 20 часот навечер. А истата нема да важи за време на зимскиот и летниот распуст, во празнични и во неработни денови.

Студентите се иднината на нашата земја, и заслужуваат да ги имаат истите придобивки како нивните врсници во Европа. Сите студенти имаат право на квалитетен живот.

ЛДП: Битката за човекови права подразбира услови за талентитаните млади да бидат успешни во Македонија

ЛДП: Битката за човекови права подразбира услови за талентитаните млади да бидат успешни во Македонија

Темата на денешниот Меѓународен ден на Човековите Права како да им е посветен на младите од Македонија кои со својата одлучност под слоганот „Нема правда – нема мир“ беа предводници на „Шарената револуција“ која авторитаризмот во нашата земја го замени со отворена демократија и ги врати перспективите за преобразба на државата во модерно европско општество.

„На денешниот ден Либерално-демократската партија потсетува дека борбата под тој слоган не престанува и дека од неа нема откажување! Нема откажување од слободата на говор, слободата на медиумите, транспарентноста, отчетноста и владеењето на правото. Нема откажување од рамноправноста пред законот, нема откажување од неказнивоста, нема откажување од создавањето на еднакви можности за сите, особено за младите луѓе кои сакаат да останат да живеат во Македонија“ истакна претседателот на ЛДП Горан Милевски.

„Како либерални демократи се залагаме за слобода на движење како загарантирано човеково право. Сепак, за држава како Македонија, круцијално е квалификуваните млади луѓе со стекнато искуство во странство да се вратат во Македонија и го искористат своето знаење. Македонија има проблем со ‘одливање на мозоци’, но има уште поголем проблем со наоѓање начини да ја врати дисјаспората. Меѓу причините поради кои младите мигрираат се и образовниот и професионален напредок, кои доколку искористени правилно можат да служат како интелектуален капитал за развој на Македонија. Мора да вложиме уште поголеми напори Македонија да го подобри 129-тото место на ранг-листата на Светскиот економски форум (2017) за компетитивност на земјите, во однос на способноста да ги задржи талентираните луѓе“ е ставот на Андреа Угриновска, претседателка на Советот на човекови права на ЛДП.

Либерално-демократската партија го смета претприемачот као централен дел од економијата. Токму младите луѓе се дигитални претприемачи на кои им требаат услови ослободени од административни стеги за креирање на претприемништва кои ќе одговараат на потребите на пазарот но и ќе се одржливи и корисни за општеството. Оттаму и континуираното залагање и придонес на ЛДП за креирање на поволна клима за поддршка на малите и средни компании кои се главни двигатели на економијата.

„Многу од младите во дијаспората го чекаат правиот момент да се вратат во Македонија. Дома си е дома. Многумина од нив следат будно што се случува во државата, како напредува, на каде се движи – и тоа има клучна улога во одлуката дали ќе се вратат. Македонија ќе има шанса за успех ако успее да врати дел од својата стручна и обучена дијаспора дома“ потенцираше Угиновска.

ЗАЈКОВА: ПАТОТ НА МАКЕДОНИЈА Е ДЕФИНИТИВНО ВО ЕВРОПА

ЗАЈКОВА: ПАТОТ НА МАКЕДОНИЈА Е ДЕФИНИТИВНО ВО ЕВРОПА

Иднината на Западен Балкан е интеграција во ЕУ, заклучија на средбата ЛДП, подмладокот на партијата ЛИДЕМ од Македонија и Нова Странка од Србија.

„На средбата дискутиравме за процесите за влез во ЕУ на двете земји, Македонија и Србија, така што сите земји од Западен Балкан припаѓаат на европското семејство бидејќои негуваат либерални и европски вредности. Патот на Македонија е дефинитивно во Европа затоа очекуваме позитивен исход за нас на самитиот кој следи. Односно нашата земја да добие препорака за отпочнување на пристапни договори за ЕУ и очекуваме ратификација на потоколот за влез на земјата во НАТО“ истакна Моника Зајкова, потпретседателката на ЛДП.

Марко Живковиќ од Нова Странка од Србија истакна дека двете партии заедно работат активно за заеднички цели, тоа е двете земји и Македонија и Србија, да бидат модерни и силни земји на кои местото им е во ЕУ, со почитување на европски вредности и поквалитетен живот на младите во овој регион.

„Србија, како и Македонија со години работи на приклучување на ЕУ, така што неколку години моменталната власт не е заинтересирана за креирање на политики за потребите за влезот во Унијата. Популистите не можат да прават реформи за ЕУ, затоа ние либералите сме тие кои може да го трасираме европскиот пат. ЛДП има поддршка од нас како партија и се надеваме на одлични резултати следните избори“ вели Живковиќ.

ЛДП и Нова странка, ќе потпишат Меморандум за меѓусебна соработка кој ќе ги опфаќа процесите кои следат.

„Оваа средба за нас беше од особено значење, затоа што Нова странка од Србија се наш долгогодишен партнер во остварување на либералните идеи со целосна интерграција на земјите од Западен Балкан во ЕУ каде што припаѓаме како земји“ Димитар Ванчов, Либерално Демократка Младина – ЛИДЕМ.

Дел од активностите на Андреа Угриновска, Претседателка на Советот за човекови права на ЛДП

Дел од активностите на Андреа Угриновска, Претседателка на Советот за човекови права на ЛДП

Дел од активностите на Андреа Угриновска, Претседателка на Советот за човекови права на ЛДП

Неодамна се вратив од Јужна Африка каде што имав чест да заседавам со Генералното Собрание на IFLRY – International Federation of Liberal Youth Додека она што пред неколку децении се случувало во Јужна Африка со расната сегрегација е можеби неспоредливо со различните сегрегации во Македонија, еден елемент е ист: граѓани на истата држава не се третирани еднакво пред законот. Заради нивниот етнички, расен, сексуален, родов идентитет, работен и национален статус, инвалидитет, социо/економска состојба. Последниот пример во Македонија што упатува на ова е враќањето на амнестиите. Јужна Африка е еден пример каде што можеме да видиме до каде може да стигне расната, религиозната и етничката сегрегација, и какви последици може да има кога сите граѓани не се еднакви пред законот. Ако Јужна Африка може да води успешна борба против тврдокорната расна сегрегација, тогаш и ние може да изградиме Македонија со силна правна рамка, каде што сите ќе се третирани на ист начин.Поразговарав со Luyolo Mphithi – од неодамна избран како член на парламентот на Јужна Африка. #РазмислувајРазлично Либерално Демократска Партија ЛДП

Posted by Andrea Ugrinoska on Thursday, December 5, 2019
Интервју со г-дин Жан-Жак Флао

Интервју со г-дин Жан-Жак Флао

Жан-Жак Флао, од белгиската сестринска партија на ЛДП – влијателното и моќно – Реформистичко движење, од каде доаѓа и претседателот на Европскиот совет, Шарл Мишел и премиерката Софи Вилемс
Говори за неговите, и на неговите сопартијци потези за добивање на преговори на Македонија со ЕУ, како и за политичката мапа на Европа, по повлекувањето на Меркел и доминацијата на Макрон – од која зависи и проширувањетo.

ЛДП во Кочани: Трибина “Размислувај различно“

ЛДП во Кочани: Трибина “Размислувај различно“

Вчеравечер (04.12.2019), во Кочани се одржа трибина на Либерално-демократската парија, на која како панелисти настапија Претседателот на ЛДП, Горан Милевски, како и Потпретседателите Јулиана Николова и Зоран Шапуриќ.
На трибината беа отворени неколку теми, од значење за ЛДП, како што е екологијата, образованието, економијата и т.н.
Покрај своите излагања на одредени теми панелистите одговараа и на прашања од присутните граѓани.

Дел од атмосферата во Кочани низ фотографиите кои следат

Меѓународна конференција “EU Accession Process – What Next?”, во организација на ЛДП и ALDE Party – Liberals and Democrats for Europe, помогната од FNF East and Southeast Europe

Меѓународна конференција “EU Accession Process – What Next?”, во организација на ЛДП и ALDE Party – Liberals and Democrats for Europe, помогната од FNF East and Southeast Europe

Во неделата, 01.12.2019 год, во хотелот DoulbeTree by Hilton, се одржа Меѓународна конференција “EU Accession Process – What Next?”, во организација на ЛДП и ALDE Party – Liberals and Democrats for Europe, помогната од FNF East and Southeast Europe.
На конференцијата, како панелисти, учествуваа еминентни гости како:
Илхан Ќучук, Пратеникот во европскиот Парламент и известувач за Македонија, Потпретседател на ALDE Party – Liberals and Democrats for Europe
Роман Јакиќ, поранешен министер за одбрана и Претседавач на LIBSEEN
Жан Жак Флао, поранешен пратеник, претседател-MR International
Ивана Туфегџиќ, Пратеник, независна
Ангелка Пеева-Лауренчиќ, поранешен пратеник, генерален директор на „Image PR“
Јулиана Николова, Пратеник, Потпретседателка-ЛДП
На два различни панели учесниците ги изнесоа своите гледишта во врска со моменталната состојба во ЕУ во однос на процесот на проширување, како и перспективите на нашата држава во рамките на тој процес.
Дел од атмосферата низ следните фотографии

Валентин Груевски: Размислуваме различно

Валентин Груевски: Размислуваме различно

Трибината на Либерално-Демократската партија во полниот Битолски театар, во која и јас  членувам, ги размрда политичките кругови  во градот, изненади многумина, наведе на размислувања зошто се случува токму сега, покажа одредени трендови и добро ја раздрма заспаната политичка сцена. Изненадени беа многумина, само ние знаевме дека само ги бериме плодовите од нашата макотрпна работа.

И покрај многуте сомнежи, потценувања и подбуцнувања во изминатиот период, како либерал-демократи докажавме дека во Битола сме убедливо третата најсилна политичка опција, дека имаме поддршка меѓу граѓаните и дека за нашите идеи имаме респектабилен број на гласачи.

Организацијата на целиот настан, идеите кои беа пласирани, разновидноста на дискутантите, храброста отворено да се зборува за проблемите кои ги имаме како власт и маните кои ги практикуваме, само го потврди нашиот либерализам, слободата, и нашата демократичност. Сакаме и знаеме да критикуваме, ама сме спремни да прифатиме критика и да се поправаме, и тоа секојдневно.

ВО МИНАТОТО
Знаевме жестоко да се спротивставиме на владеењето на Талески, иако можевме и многу „поубаво“ да си поминеме. Го препознавме лажниот локал патриотизам, популизмот, лошото владеење. Бевме против приватниот паркинг, против покачувањето на цената на водата и ѓубрето, не ги гласавме новите имиња на улиците, први ја отворивме темата за загадениот воздух и први предупредивме за неговата смртност, го спречивме да купи кола од  илјадници евра, а да потсетам дека и не го гласавме сегашниот грб на Битола, сметавме дека нема ништо заедничко со Битола.

При крајот на мандатот на екс градоначалникот се накотија многу „борци“ за слобода, ама тоа го направија, откако искористија се што можеше да се искористи од претходната власт, си преспаја 10 години во своите ,,пештери“, и се излактија да стигнат во првите редови на оваа власт. За жал, добија и високи функции, ама за тоа и не се виновни.

ДЕНЕС
Сме дел од локалната власт и нема бегање од одговорност. Меѓутоа, како и во минатото, така и сега, ЛДП докажува дека знае да раководи со институциите кои и се дадени. Можеби не се доволни за нашиот капацитет, меѓутоа чесност, храброст, достоинство, знаење е карактеристика на сите наши раководители. Производство на сопствена електрична енергија во Пазари, нови машини, нови уредени градинки, нов начин на греење, нов ентериер, ново осветлување.

Учествуваме во обновата на Офицерски, во изградбата на стадионот, на пречистителната станица на Пелистер, на изградбата во Касарната, во реконструкцијата на Пазарот, Обиколницата, Полигонот, Детскиот парк,  Спортската сала, патишта и многу други работи во градот.

ВО ИДНИНА
Никој нема да ја има бланко поддршката од ЛДП. На трибината отворено зборувавме за некои слабости, а и во иднина тоа ќе го правиме. Само тоа мислиме дека е вистинскиот пат кон демократијата и подобра власт. Отворени сме за помош ама и за критика секаде каде што грешиме. Имаме доблест да прифатиме секаква критика. Затоа и размислуваме различно.

П.С. Вториот дел од слоганот на трибината, Либерално кон Европа произлегува од нашите цврсти уверувања дека, само таму и никаде на друго место е патот на Македонија. И покрај проблемите кои ги имаме во овој момент, ЛДП заедно со своите европски пријатели од АЛДЕ групацијата која е сега трета политичка сила во Европскиот парламент и има неколку европски премиери, размислува за Европа, размислува за човекови права, за дискриминација, за либерален пазар, за рамни даноци, за рамноправност, за правата на маргинализираните групи.    

Пишува: Валентин Груевски, претседател на Советот на Општина Битола и член на Извршниот одбор на ЛДП