Close

Либерално Демократска Партија

Category: Uncategorized

ЛДП на сите граѓани им ги честита успешно спроведените парламентарни избори.

ЛДП на сите граѓани им ги честита успешно спроведените парламентарни избори.

Почитувани,

Либерално-демократската партија на сите граѓани им ги честита успешно спроведените парламентарни избори.

Во услови на пандемија докажавме дека можеме да спроведеме избори по сите здравствени протоколи и европски стандарди. Покажавме европски вредности, организиравме мирни, фер, демократски и слободни избори, со добра здравствена заштита за сите кои го остварија правото на глас.

Граѓаните со своето гласање потврдија дека местото на државата е во големото европското семејство на народи.

Резултатот од овие избори уште еднаш покажа дека македонските граѓани се одлучни да го продолжат патот кон евроатланските интеграции. Ја одбраа иднината за себе и за своите деца.

Со овие избори, стана уште посилна пораката дека ги поддржуваат храбрите одлуки на прогресивни сили кои се против национализмот и националистичката политика, против поделбите и изолациите. Македонските граѓани одбраа да гласаат за социјална правда, подобар животен стандард, економски развој и брза интеграција на С. Македонија во Европската Унија.

Оваа порака не е упатена само за регионот, туку и за цела Европа.

ЛДП бара брзо конституирање на новиот состав на Собранието а од Претседателот на државата, забрзување на процесите за давање на мандат на победничката коалиција која мора во најбрз може рок да го состави парламентарното мнозинство и да започне со работа.

Здравствената криза и економските последици од истата, состојбите во регионалното окружување како и започнувањето на преговорите на Северна Македонија со ЕУ, бараат брзо формирање на нова Влада и решавање на проблемите на граѓаните.

Патот е трасиран и враќање од тој пат нема.

Собир на либералите од западен Балкан во Подгорица

Собир на либералите од западен Балкан во Подгорица

Во периодот од 27-29 фебруари 2020 година, се одржа седница на Управниот одбор на Либсен, мрежата на либерални партии од земјите на југоисточна Европа (LIBSEEN – Liberal South East European Network).

На седницата на одборот, покрај другото, се разгледаа и усвоија измени на статутот на Либсен, апликациите за членство од страна на 2 нови либерални партии од Р. Србија, а исто така се усвои и резолуција за политичката состојба во Мостар (БиХ) која ќе биде поднесена до Советот на АЛДЕ кој ќе се одржи во мај годинава во Софија (Бугарија).

Во рамките на настанот беше организирана и тркалезна маса со наслов: “Towards a liberal approach to the EU enlargement policy“ на која свое учество зедоа Претседателот на АЛДЕ, г-динот Ханс Бан Баален, Потпретседателот на АЛДЕ, г-динот Илхан Ќочук (истовремено Европратеник и известувач на ЕП за Македонија), Потпретседателот на Либералната интернационала, г-динот Емил Кирјас, Претседателот на Либсен, г-динот Роман Јакиќ како и шефот на преговарачкиот тим на Црна Гора со ЕУ, г-дин Александар Дрљевиќ.

На тркалезната маса се дискутираше за процесот на преговори со ЕУ кои во моментов ги води Црна Гора, но и за можностите и евентуалните препреки кои произлегуваат од новата методологија за преговори која неодамна беше презентирана од страна на Унијата.

Делегација на Либсен беше примена и од страна на Претседателот на Црна Гора, г-динот Мило Ѓукановиќ.

На настанот присуствуваше членот на Извршниот одбор на ЛДП, Дејанчо Цветановски, кој истовремено е член и на Управниот одбор на Либсен.

Аврамовска-Ѓореска: Жените во ЛДП не сакаат да бидат само квота, тие се борат за придонес со квалитет

Аврамовска-Ѓореска: Жените во ЛДП не сакаат да бидат само квота, тие се борат за придонес со квалитет

Жените не се бројка туку се наш квалитет, заклучија учесниците на Петтото Собрание на Форум на жени на Либерално-демократската партија што се одржа во Скопје.

Пратеничката од македонското собрание и потпретседателка на ЛДП, Јулиана Николова преседаваше со Форумот. Таа потенцира дека изминатиот период заеднички работеле на интензивна едукација, во која е вложено многу труд, во соработка со меѓународните организации FNF, ALDE, VVD, Liberal International, NDI, со цивилниот сектор од нашата земја, како и со огромна поддршка на машките колеги.

„Во изминатиот период постигнавме многу. На последните парламентарни избори, три од пет кандидати за пратеници беа жени. Од три пратеници кои влегоа во Собранието, две се жени. Речиси 50% од советниците на ЛДП во општинските совети се жени. Морам да истакнам и дека од четири потпретседатели во партијата, две сме жени. Сигурна сум дека новото раководство ќе биде уште поуспешно, дека жените и понатаму ќе бидат еден од главните столбови во партијата и дека и жените ќе имаат одговорни функции, не поради квоти, туку поради квалитетот и исполнителноста“ истакна Николова.

Додаде дека од позицијата на потпретседателка на партијата, останува посветена на родовата еднаквост и учеството на жени во политика. Таа се заблагодари на целиот тим, сите жени на ЛДП кои несебично го дадоа својот придонес во сите политички и партиски активности, за сите посветени моменти на работа но и незаборавни дружења и трајни пријателства. Посака успех на новата претседателка на Форум на жени на ЛДП, Билјана Аврамовска Ѓореска.

„Кога ја поднесов кандидатурата ме следеше силна емоција за мојата поврзаност со ЛДП цели 22 години партиски ангажман, буквално пораснав со ЛДП, созреав во политичка личност и така сакам да остарам. Пред вас стои жена, мајка, сопруга, пријателка, либералдемократка која цврсто верува дека во жената се наоѓа моќта да создава, да се грижи и да менува. Жените во ЛДП секогаш размислуваат различно, со аргументирани ставови. Затоа, како претседателка сакам сите заедно да постигнеме зголемување на жените во извршната власт, почитување на индивидуата, да ја шириме мисијата и визијата за просперитетна држава. Буквално, сакам жената да остави траен историски печат во општеството преку политичкото дејствување“ истакна Билјана Аврамовска Ѓореска, новата претседателка на Форум на жени на ЛДП.

Честитки за новата претседателка дојдоа и од врвот на партијата, претстедателот на партијата, Горан Милевски и останатите, потпретседателката Моника Зајкова, како и потпретседателите Зоран Шапуриќ и Игор Вељаноски.

„Особено сум горд на жените во партијата, честитки за новоизбраната претседателка на Форум на жени на ЛДП. Сакам да потенцирам дека продолжуваме да се бориме заедно со жените, тие константно се движечка сила, сите заедно размислуваме различно и овој период интезивно носиме резолуции и одлуки за либералните вредности кои итаат кон патот до ЕУ“ додаде Милевски.

ЛДП и ЛиДеМ, учесници на Алумни од Регионалната либерална политичка академија (РЛПА)

ЛДП и ЛиДеМ, учесници на Алумни од Регионалната либерална политичка академија (РЛПА)

Во период од 17 до 22 ноември 2019 година во Брисел, Белгија, членовите на Либерално Демократската Младина вклучително со претседателот на ЛиДеМ Димитар Ванчов и поптретседателката на ЛДП Моника Зајкова, имаа можност да учествуваат на Алумни од Регионалната либерална политичка академија (РЛПА).
Учесниците имаа можност да ги посетат канцелариите на ALDE и LYMEC и да разговараат за можностите за вмрежување на младите од Западен Балкан.
Во рамки на Академијата се изработи резолуција насловена како “И ние сме Европа”. Интенција на резолуцијата е да се испрати порака за важноста од интеграција во Европската Унија на земјите од Западен Балкан со посебен осврт на младите луѓе.
Предлог резолуцијата беше презентирана на панел дискусија во Европскиот Парламент пред Европратениците од ALDE, Илхан Ќучук, Каталин Цех и Свенија Хан.
кои  дадоа позитивни мислења со целосна поддршка за предлагање на истата на следниот конгрес на LYMEC, кој ќе се оддржи во Скопје од 3-5 април 2020 година.
Членовите на ЛиДеМ остварија и средба во просториите на Македонската мисија во ЕУ со Амбасадорката Агнеза Руси Поповска, каде што имаа можност да разговараат за европските можности и пердпективи на младите луѓе од  нашата државата.
Сите овие активности се во склоп и корелација со програмските определби и стратешки приоритети на ЛиДеМ. ЛиДеМ се залага за интеграција на нашата држава во ЕУ поради тоа што сите луѓе, посебно младите би имале огромни бенефити од членството во европското семејство.