Земјите кои работат за членство во ЕУ треба да се мотивираат со признавање на досегашниот прогрес, наместо да им се поставуваат цели кои се повеќе им изгледаат невозможни, а со тоа да бидат демотивирани, е пораката што ја испрати претседателката на ЛДП Моника Зајкова на македонски јазик во Софија до останатите приврзаници на либерализмот, со кои говореше денеска на конференцијата „Повторно креирање на Европа: Либералната визија за Европа во иднината“.

Нашата визија е јасна – пресликување на европските вредности и практики во нашата земја и поскоро приклучување кон европското семејство!

Во рамки на панелот „Стара Европа – Нова Европа – Европската интеграција денес и во иднина“ нагласив дека ни е потребна ,,нова” Европа – обединета и стабилна, осврнувајќи се на менување на реториката кон земјите кандидати за членство во Унијата, со цел надминување на препреките и скорешно членство во ЕУ.

Слушајќи ги ставовите на секој поединец во нашето општество, бидејќи за нас секој е важен, ја потврдивме нашата мисија – за Македонија не постои друг пат, освен европскиот!

.