“Секој е важен“ повторно во Аеродром

#СекојЕВажен караванот предводен од претседателката на ЛДП Моника Зајкова го продолжи своето патување меѓу жителите во општина Аеродром, каде ги претставивме плановите на нашата партија со цел дејствување кон подобрување на животот на граѓаните.

Локалните жители ни дадоа максимална поддршка за идеите кои ги споделивме со нив, но исто така ги изнесоа и своите предлози со цел унапредување на состојбата во државата.

Мислењата на граѓаните се основен постулат за креирањето на нашите политики и за нас, од исклучително значење е нивната посветеност за заедничко дејствување кон создавање на подобра иднина за нашето општество.

Зборувавме за предизвиците со кои се соочуваме, политичката состојба, претстојните избори, економската криза, недостигот на имплементацијата на законите, предлозите за измени на законски решенија, како и за положбата на граѓаните.

Ентузијазмот на граѓаните и нивната верба за подобро утре, за нас е главниот мотив да продолжиме неуморно да работиме за создавање на позитивни, видливи промени, а со тоа и унапредување на државата на секое поле!