Интервју на Претседателката Моника Зајкова за 24Инфо (извадоци):

“…

• Жалам што имаме ниска државничка свест и што не може да се надминат тесно партиските интереси на сметка на државните
• Јасно е дека идеолошки партиите се разликуваат и може да имаат различни мислења по однос на одредени политики, но за тоа во кој правец ќе оди државата сите треба да се обединети
• Мојот личен став е дека предвремени избори во овој неповолен момент на економска и енергетска криза проследен со војна која се случува на европскиот континент, не треба да има.
• Преку низа усвоени законски решенија овозможвме конкретни мерки како што се повисоките пензии, повисока минимална плата, досега највисока просечна плата, студентски оброк, реални антикризни мерки за граѓаните од ранливите категории и бизнис секторот. Сеуште имаме низа законски решенија кои треба да овозможат напредок, а се закочени во матичните работни што е крајно неодговорно.
• Заради потсетување ќе наведам само некои од предлозите на ЛДП кои оваа Влада ги прифати: субвенциониран студентски оброк, недела – неработен ден, проширување на основите за дискриминација и брзо носење на Законот за спречување и заштита од дискриминација, викенд без ДДВ, задржување на рамниот данок, регулирање на пазарот на криптовалутите, нов Закон за рамномерен регионален развој, обезбедување мерки за младите, развој на младинската политика итн.
• Актуелна тема која е важна а има цел кратење на непродуктивните трошења во буџетот, како ЛДП бараме намалување на бројот на членови на управни и надзорни одбори, затворање или спојување на агенции кои имаат исти надлежности, како и намалување на износот на месечните надоместоци на членовите на одредени тела, особено во време кога владее економска криза.
• Сакам да ги охрабрам сите младите луѓе да бидат активни чинители во процесот на креирање и носење на одлуки, бидејќи секоја одлука се однесува токму на нашата сегашност и иднина.
• Она што предстои и седница на Централниот одбор која ќе се одржи на 28-ми јануари, а на која ќе бидат комплетирани и останатите органи на партијата односно ќе се изврши избор на членови на Извршниот одбор, потпретседатели, меѓународен секретар, а воедно ќе се усвои и предлог датум за оджување на тематски Конгрес на кој партијата ќе ја промовира својата партиска програма односно Либерални иницијативи за наредните четири години од кои најголем бенефит и олеснување треба да добијат граѓаните.

• …“

Цело интервју можете да го читате на 24Инфо